Ловрен Хорватия терма жамоасидаги фаолиятини якунлади

Хорватия футбол иттифоқи ҳимоячининг баёноти ва хайрлашув мактубини эълон қилди.

"Кўп ўйланиб, шундай қарорга келдим. Терма жамоа билан хайрлашадиган кун келди.

Мен учун бу ҳикоянинг энг чиройли саҳифаси - бу сўнгги беш йил ичида эришган натижаларимиздир. Бу лаҳзаларни ҳеч қачон унутмайман ва қалбимда абадий сақлайман.

Славен Биличдан тортиб Златко Даличгача бўлган барча мураббийларга раҳмат. Ушбу унутилмас саргузашт учун барча собиқ ва ҳозирги жамоадошларимга раҳмат. Сизлар мен учун биродарлардек бўлиб қолдингиз. Қийин вазииятларда ёнимда бўлдингиз", - деган ҳимоячи.

Ловрен 2009 йилдан буён Хорватия терма жамоасида ўйнамоқда. У жамоа таркибида 78 та ўйин ўтказди, 2018 йилда жаҳон вице-чемпиони ва 2022 йил Қатарда бўлиб ўтган жаҳон чемпионатининг бронза медали соҳибига айланди.