Луис Энрике Ансу Фати ҳақида гапирди

Испания терма жамоаси бош мураббийи Луис Энрике 17 ёшли Ансу Фатининг майдонда ўзини тутишидан ҳайратга тушаётганини айтди.

Таъкидлаш лозимки, “Барселона” футболчиси кеча УЕФА Миллатлар лигасидан ўрин олган Украинага қарши ўйинда рақиб дарвозасини ишғол этди ва шу тариқа Испания терма жамоаси тарихида гол урган энг ёш футболчига айланди.

“Бун нормал ҳолат эмас. Чунки, унинг ёшидаги футболчилар тез шов-шувга берилади, аммо Ансу ўзи танлаган йўлда давом эта оладиган даражада етук. У оёқларида мустаҳкам турибди”, - дейди Энрике.