Луис Энрике: "Мухлисларимизни катта хурсанд қилиш учун бор кучимизни сарфлаймиз"

«Зенит» ва Бразилия терма жамоаси ҳужумчиси Луис Энрике жаҳон чемпионатида жамоанинг асосий мақсадлари ҳақида гапирди. 

Гуруҳ босқичида бразилияликлар Марокко, Шотландия ва Гаити терма жамоаларига қарши майдонга тушади. Турнирдаги илк учрашувни Бразилия 13 июнь куни Марокашго қарши ўтказади.

«АҚШ, Канада ва Мексикада ўтаётган мусобақада жамоамиз олдига қўйган ягона мақсад — фақат ғолиблик, фақат биринчи ўрин! Бизда жуда кучли таркиб бор, терма жамоада энг маҳоратли футболчилар тўпланган. 

Жамоа ўйини йўлга қўйилган, ўзаро тушуниш юқори даражада. Албатта, Бразилияга қарши ҳам энг кучли рақиблар майдонга тушади, лекин биз мухлисларимизни хурсанд қилиш, уларга катта шодлик улашиш учун бор имкониятимизни ишга соламиз», — дея ёзади Луис Энрике «СЭ» нашри учун тайёрлаган муаллифлик мақоласида.