Луис Суареснинг Европадаги саргузаштлари тугади...

“Атлетико” тўпурари Луис Суарес яна камида икки йил давомида профессионал фаолиятини давом эттириши мумкин.

Мадридликлар билан амалдаги шартномаси мавсум охирида якунланадиган уругвайлик тўпурар АҚШ чемпионатига кўчиб ўтиши кутилмоқда.

Луис Суаресга англиялик футбол афсонаси Дэвид Бекхэмга тегишли бўлган “Интер Майами” жамоаси оғиз солмоқда. Америкаликлар 34 ёшли футболчини эркин агент сифатида қўлга киритиб, у билан икки йиллик битим имзолашни режалаштирган.

Луис Суарес жорий мавсумда жами 24 та ўйинда қатнашиб, рақиблар дарвозасини саккиз маротаба ишғол қилди ва битта голли пас узатди. Унинг ҳозирги нархи 15 миллион еврони ташкил қиляпти.