Лукаку "Манчестер Юнайтед" қароргоҳига қайтди

"Манчестер Юнайтед" клуби форварди Ромелу Лукаку яна жамоа қароргоҳига қайтиб келди ва машғулотларга киришди. Бу ҳақда клуб расмий сайти хабар тарқатмоқда.

У кичик жароҳати сабаб “Лидс”га қарши ўтказилган ўртоқлик учрашувида иштирок эта олмаган эди.

Айримлар нашрлар эса унинг “Интер”га ўтаётгани сабаб машғулотларда иштирок этмаяпти деган мавзуда хабарлар чоп этаётган эди. Бироқ, ҳозирча “нерадзуррилар” ва “қизил иблилар” футболчининг трансфер нархи масаласида бир қарорга кела олишмаяпти.

Эслатиб ўтамиз, Лукаку ўтган мавсум “Манчестер Юнайтед” сафида жами 45та ўйинда майдонга тушди ва 15та гол ҳамда 4та голли узатмага муаллифлик қилди. Унинг клуб билан амалдаги шартномаси 2022 йилга қадар имзоланган.