Мадрид клуби Фраттезини трансфер рўйхатига киритди

"Атлетико" "Интер" ярим ҳимоячиси Давиде Фраттезини жамоага олиб келиш имкониятини кўриб чиқмоқда.

"Marca" нашрининг хабарига кўра, италиялик футболчи қишки трансфер ойнасида Леон Горетцкини олиб келиш режаси амалга ошмаганидан сўнг мадридликлар учун ярим ҳимояни кучайтиришдаги асосий номзодлардан бирига айланган. Горетцка қишда "Бавария"ни тарк этишдан бош тортган ва мавсум якунида эркин агент сифатида кетишга қарор қилган.

"Атлетико" ярим ҳимоячини нисбатан кичик маблағ эвазига жалб қилишни режалаштирмоқда, чунки клуб Адемола Лукман трансфери учун маблағ ажратмоқчи. Фраттезини ижара асосида олиш варианти ҳам истисно этилмаяпти.

Аввалроқ Лукманга "Фенербахче" ҳам даъвогар экани хабар қилинган эди. Туркия клуби "Аталанта" билан ҳужумчини бонуслар билан бирга 40 миллион еврога трансфер қилиш бўйича оғзаки келишувга эришган.