Малком "Барселона"дан кетмоқчи

Каталониянинг "Барселона" клуби вингери Малком жамоадан кетишни режалаштирмоқда.

AS нашри тарқатган хабарга кўра бразилиялик футболчи Антуан Гризманн жамоага келгач, ўзининг асосий таркибга кира олмаслигига тўлиқ амин бўла бошлаган. У ўз кучини Англия премьер-лигасида синаб кўрмоқчи. “Кўк-анор ранглилар” эса унинг трансферини 60 миллион еврога баҳолашмоқда.

Эслатиб ўтамиз, бундан аввалроқ Малкомга “Эвертон” клубидан жиддий қизиқишлар мавжудлиги ҳақида хабарлар тарқалган эди.

Маълумот учун, “Барселона” Малкомни бундан роппа-роса бир йил муқаддам “Бордо” клубидан 41 млн евро эвазига сотиб олган эди. У ўтган мавсум жами 24та ўйинда иштирок этди ва 4та гол ҳамда 2та голли узатмага муаллифлик қилишга эришди.