Малком яна Францияга қайтиши мумкин
Ads

Каталониянинг "Барселона" клуби вингери Малком яна Францияга қайтиши мумкин. Бу ҳақда Le Figaro нашри хабар тарқатмоқда.

Юқоридаги манбаага кўра 22 ёшли бразилиялик футболчига "Сент-Этьен" қизиқиш билдирмоқда. Француз клуби уни бир мавсумга ижарага олишмоқчи.

Эслатиб ўтамиз, Малком учун Лига 1 бегона эмас. Боиси, у “Барселона”га келгунича “Бордо”да тўп сурган.

Маълумот учун, Малком ўтган мавсум “кўк-анор ранглилар” сафида жами 24та ўйинда иштирок этди ва ўз ҳисобига 4та гол ҳамда 2та голли узатма ёздириб қўйишга эришди.