Манба: "Ал-Ҳилол" бош мураббийи истеъфога чиқарилди

Хорхе Жезус "Ал-Ҳилол" бош мураббийи лавозимини тарк этди, деб хабар бермоқда "A Bola" нашри.

Манба берган хабарга кўра, клуб раҳбарияти жамоа Элит чемпионлар лигасидан чиқиб кетганидан кейин 70 ёшли мураббий билан хайрлашишга қарор қилган. Турнирнинг ярим финалида "Ал-Ҳилол" жамоаси "Ал-Аҳли"га 1:3 ҳисобида имкониятни бой берди.

Эслатиб ўтамиз, португалиялик мутахассис бошчилигида жамоа ўтган мавсумда Саудия Арабистони чемпиони ва Қирол кубоги соҳибига айланганди. Мамлакат чемпионатининг жорий мавсумида риёдликлар турнир жадвалида иккинчи ўринда бормоқда.