"Манчестер Сити" Артета учун "Арсенал"дан қанча товон пули талаб қилмоқда?

"Манчестер Сити" клуби бош мураббийи ассистенти Микель Артетанинг "Арсенал"га ўтиши бироз кечикмоқда.

Sky Sports нашри тарқатган хабарга кўра “шаҳарликлар” 37 ёшли мутахассис учун “канонирлар”дан унинг шартномасида белгиланган 2,5 млн евролик товон пулини тўлашни талаб қилишмоқда. Катта эҳтимол билан “Арсенал” сўралган маблағни “Сити” ҳисоб рақамига ўтказиб беради ва шундан сўнг Артетани бош мураббий сифатида эълон қилади.

Эслатиб ўтамиз, Уна Эмери истеъфога чиқарилгач “Арсенал”ни унинг ассистенти Фредди Юнберг бошқариб келмоқда.