"Манчестер Сити" "Барселона" ярим ҳимояичисига қизиқиш билдирмқоқда

"Барселона"га ўтган йили ёзда келиб қўшилган Дани Ольмога "Манчестер Сити" қизиқиш билдирмоқда, дея хабар берди инсайдер Маттео Моретта.

Журналистнинг сўзларига кўра, Пеп Гвардиола футболчининг мухлиси ҳисобланади. У испаниялик ҳужумкор ярим ҳимоячини ўз жамоасида кўришни истайди. Аммо ҳали музокаралар бошлангани йўқ.

"Барса" Данини айни пайтда сотиши қийин масала. Шундай бўлсада, бу таклифга ҳам боғлиқ. Агарда "шаҳарликлар" катта сумма эвазига Ольмони сотиб олишга ҳаракат қилса, Испан клуби буни ўйлаб кўриши мумкин. 

Каталония жамоаси футболчини "Лейпциг"дан 55 миллин еврога сотиб олганди. У якунига етаётган мавсумда 36 та ўйинда майдонга тушиб, 11 та гол урди ва 6 та ассист амалга оширди.