"Манчестер Сити" бугун Англия терма жамоаси собиқ дарвозабони билан шартнома имзолайди

"Манчестер Сити" клуби бугун "Дерби Каунти" дарвозабони Скотт Карсон билан шартнома имзолайди. Бу ҳақда BBC хабар бермоқда.

Юқоридаги манбаага кўра “шаҳарликлар” 33 ёшли посбонни мавсум охиригача ижарага олишади. Таъкидлаш керакки, Англия терма жамоаси собиқ дарвозабони Эдерсон Мораес ва Клаудио Браволардан сўнг “Сити”нинг 3-дарвозабони бўлади.

Маълумот учун, Карсон ўтган мавсум “Дерби Каунти” сафида 33та ўйинда майдонга тушди ва ўз дарвозасидан 45та гол ўтказиб юборди. Унинг трансфери эса 2 млн еврога баҳоланмоқда.