“Манчестер Сити” катта суммали таклиф олди

“Манчестер Сити”нинг бразилиялик ҳужумкор футболчиси Савио фаолиятини Англия Премьер-лигасининг бошқа клуби – “Тоттенхэм”да давом эттириш имкониятига эга бўлди.

Globo нашрининг маълум қилишича, “Тоттенхэм” 21 ёшли ўйинчини олиш учун иккинчи уринишни амалга оширишга тайёр.

Аввалроқ, “шаҳарликлар” Савио бўйича 57 миллион евролик таклифни қабул қилмаган эди. Манбага кўра, лондонликлар нишондаги футболчини олиш учун манчестерликларга бериладиган суммани 80 миллион еврогача кўтаришга қарор қилган.

Манчестерликлар билан яна тўрт йиллик шартномага эга Савионинг ўзи “Тоттенхэм”га кўчиб ўтишга қарши эмас. Бу ўйинчи ўтган мавсум 48 та учрашувда иштирок этиб, рақиблар дарвозасини уч бор ишғол қилди ва жамоадошларига 13 та голли пас узатди.