Ads

Лондоннинг "Тоттенхэм" клуби форварди Харри Кейн навбатдаги топ клубнинг қизиқишлар доирасига кириб қолди.

Diario Gol нашри тарқатган хабарга кўра "Манчестер Сити" 24 ёшли тўпурар учун “шпорлар”га 200 млн фунтдан (227 млн евро) воз кечишга тайёр. Бундан ташқари “шаҳарликлар” Кейн учун катта маош ҳам таклиф қилишмоқда. Айтиш лозимки, Кейннинг “Сити”га ўтиши унга ўзи кўзлаган совринларни қўлга киритишига ёрдам бериши мумкин.

Эслатиб ўтамиз, бундан аввалроқ ёзда Кейнни сотиб олишга Мадриднинг “Реал” клуби ҳам уриниб кўриши ҳақида хабарлар тарқалган эди.