“Манчестер Сити” раҳбарлари “Реал”нинг Холандга қизиқаётганига муносабат билдирди

Европа матбуотида “Реал” раҳбарияти Килиан Мбаппе ўрнига Эрлинг Холандни трансфер қилишга қарор қилгани ва мадридликлар 23 ёшли тўпурар учун манчестерликларга 200 миллион евро таклиф қилиши ҳақида ёзмоқда.

“Манчестер Сити” бош директори Ферран Сориано “Қироллик клуби”нинг Холандга бўлган қизиқишига муносабат билдирди.

- Холанд “Манчестер Сити”да ўзини бахтиёр ҳис қиляпти. У дебют мавсумидаёқ катта ютуқларни қўлга киритди ва бундан кейин ҳам жамоамизда узоқ йиллар тўп тепади, - деди Сориано.

Эрлинг Холанд “шаҳарликлар” сафига қўшилганидан кейин тўпурарлик борасида бир неча рекордларни қайд этди. Норвегиялик ҳужумчи бош мураббий Хосеп Гвардиола қўл остида Англия чемпионати, мамлакат кубоги ва Европа Чемпионлар лигасида ғолиб чиқди.