"Манчестер Сити" ва "Ливерпуль"да тарбияланган футболчи "Локомотив"га ўтиши мумкин

Лиссабоннинг "Спортинг" клуби ярим ҳимоячиси Рафаэл Камашу "Локомотив"га кўчиб ўтиши мумкин.

A Bola нашри тарқатган хабарга кўра, Москва клуби 20 ёшли португалиялик футболчини ижарага олмоқчи. Бу борада улар Загребнинг "Динамо" клуби билан рақобат олиб боришига тўғри келади. Чунки, хорватияликлар аллақачон Рафаэлнинг ижараси бўйича “Спортинг”га таклиф юборган.

Айтиш керакки, Камашу ўз вақтида "Манчестер Сити" ва "Ливерпуль" каби гранд клублар академиясида тарбия топган. У ўтган мавсум “Спортинг” таркибида 24 та ўйинда майдонга тушди ва 1 та гол ҳамда 1 та голли узатмага муаллифлик қилди.