“Манчестер Сити” Ямални олиши мумкин бўлган икки клубдан бири экан

“Манчестер Юнайтед”нинг собиқ ҳужумчиси Луи Саа Испаниянинг амалдаги чемпиони “Барселона” юлдузи Ламин Ямалнинг трансферини фақатгина иккита клуб кўтара олишига ишонади.

- Менимча, фақатгина “Пари Сен-Жермен”  ва “Манчестер Сити” каби икки қудратли клуб Ямал учун 300 миллион фунт тўлашга қодир. Лекин бу Ламин учун анча эрта амалга ошган трансфер бўлади. 

Биз севадиган футбол учун Ямал “Барселона”да қолиб, ўша ерда барқарор ўйнаши ва изчил ривожланиши яхшироқ.

Мени бу йигитнинг атрофидаги ортиқча эътибор туфайли унинг истеъдоди барбод бўлиши қўрқитади. Мен бу футболчининг максимал имкониятини кўришни хоҳлайман, – деди  Луи Саа.