"Манчестер Сити" ярим ҳимояни кучайтиришга киришди

"Манчестер Сити" "Ньюкасл" ярим ҳимоячиси Сандро Тоналини ўз сафига қўшиб олишни режалаштирмоқда. Бу ҳақда Telegraph Sport нашри хабар берди.

Маълумотларга кўра, "шаҳарликлар" футболчи учун курашда "Тоттенхэм"дан олдин чиқишни мақсад қилган. Эллиот Андерсоннинг "Ноттингем Форест"дан кетиши билан боғлиқ трансфер якунлангач, "Сити" Тоналини олиш бўйича ҳаракатларини янада фаоллаштирган. Томонлар ўртасида музокаралар бошлаб юборилган. Transfermarkt портали футболчининг бозор қийматини 80 миллион евро атрофида баҳоламоқда.

Эслатиб ўтамиз, ўтган мавсумда "Манчестер Сити" Англия Премьер-лигасини иккинчи ўринда якунлади. Чемпионлик эса "Арсенал" жамоасига насиб этди.