“Манчестер Юнайтед” Бэйлни олишга кўндими?

“Реал” ўйнамай катта маош олаётган Гарет Бэйлдан тезроқ қутилиш мақсадида уни сотишга ҳаракат қилмоқда.

Мадридликлар “Манчестер Юнайтед”дан таклиф кутаётган эди. “Боруссия”дан Жейдон Санчони сотиб ололмаган Сульшер жамоаси эътиборини Бэйлга қаратди. Ҳозир манчестерликлар футболчи бўйича таклиф тайёрлаш устидан бош қотирмоқда.

31 ёшли ҳужумчи ўтган мавсумда 1261 дақиқа ўйнади холос. У бош мураббий Зинедин Зидан билан чиқиша олмаяпти.

“Тоттенхэм” бош мураббийи Жозе Моуриньо ҳам асосий тўпурар Ҳарри Кейн билан рақобатлашишга қодир кучли ҳужумчи кутяпти ва  етти йиллик танаффусдан сўнг, Бэйлни клубга қайтишини истаганди. Лекин лондонликлар уэльслик футболчининг маошини кўтара олмаслиги айтилмоқда.