“Манчестер Юнайтед” биринчи катта трансферни эълон қилади

“Барселона”нинг нидерландиялик ярим ҳимоячиси Френки де Йонг тез кунларда “Манчестер Юнайтед”га ўтади, деб хабар тарқатди таниқлик инсайдер Жерар Ромеро.

Манбанинг таъкидлашича, бу трансфер май ойида расмийлаштирилади. Манчестерликлар маҳоратли ўйинчи учун 70-80 миллион евро миқдорида маблағ сарфлашига тўғри келади.

Маълумки, “Манчестер Юнайтед”ни “Аякс” устози Эрик тен Хаг қабул қилиб олади. Френки де Йонг амстердамликлар тарбияланувчиси ҳисобланади ва нидерландиялик мураббийнинг ўйин услубини яхши тушунади.

Де Йонг Каталонияга 2019 йили кўчиб ўтган. Бу мавсум  у жами 43 та ўйин ўтказиб, тўртта гол ва бешта ассист муаллифи бўлди.