“Manchester Yunayted” braziliyalik futbolchi uchun rad etib bo‘lmaydigan taklif bilan chiqdi

"Manchester Yunayted" tez orada "Ayaks" vingeri Antoni uchun uchinchi taklifni jo‘natdi. “Talksport” nashri xabariga ko‘ra, "qizil iblislar" futbolchi uchun 101 million evro to‘lab berishga tayyor.

“Manchester Yunayted” bu mablag‘ “Ayaks”ning moliyaviy ehtiyojlarini qondirishga etarli bo‘lishiga umid qilmoqda. Amsterdamlar braziliyalikni o‘zida saqlab qolmoqchi, shu bois ingliz klubi rahbariyati ularni ishontirish uchun katta mablag‘ kerak deb hisoblamoqda.

Antonining o‘zi allaqachon "Manchester Yunayted" bilan shaxsiy shartnoma borasida kelishib olgan. Braziliyalik futbolchi ayni damda rahbariyatga "Old Trafford"ga o‘tishini tezlashtirish uchun bosim o‘tkazmoqda.