“Манчестер Юнайтед” иккита катта трансферни ҳал қилмоқчи

“Манчестер Юнайтед” раҳбарияти жамоанинг рақобатбардошлигини ошириш ва совринли ўринларга даъвогарлик қилиши учун иккита катта трансферга қўл урадиган бўлди.

Маълумотларга қараганда, клуб мутасаддилари ёзда “Барселона” плеймейкери Френки де Йонг ва “Боруссия Дортмунд” ярим ҳимоячиси Жед Беллингемни Англия премьер-лигасига олиб келишга ҳаракат қилади.

Нидерландиялик футболчи ўтган ёзда “Манчестер Юнайтед”ни қабул қилиб олган Эрик тен Хагнинг асосий нишони эди. Музокаралар ўтказилганига қарамай, Френки собиқ устозининг ёнига қайтишни истамади.

Манчестерликлар Беллингем “Бирмингем”да ўйнаб юрган кезлардан бери уни кузатиб келади. Клуб мутасаддилари ўз вақтида унга шартнома ҳам таклиф қилган. Бироқ, ёш футболчи кўпроқ ўйин амалиётига эга бўлиш учун дортмундликларнинг чорловини қабул қилганди.