“Манчестер Юнайтед” катта трансферни бошлади

Журналист Фабрицио Романонинг маълум қилишича, “Манчестер Юнайтед” мутасаддилари “Барселона” раҳбарияти билан нидерландиялик ярим ҳимоячи Френки де Йонг трансфери бўйича музокараларни бошлади.

Каталонияликлар истеъдодли плеймейкер билан хайрлашишга тайёр ва бу трансфердан 85 миллион евро ишлаб олмоқчи.

Шунга қарамай, Френки де Йонгнинг ўзи Каталонияда қолишни истаяпти ва Англияга бормоқчи эмас. Чунки де Йонг ҳам барча футболчилар сингари Чемпионлар лигасида иштирок этишга ошиқяпти.

Аслини олганда, “Манчестер Юнайтед”нинг Чемпионлар лигасига чиқа олмагани улар кўзлаган айрим трансферларни амалга оширишга халақит қилмоқда.