"Манчестер Юнайтед" Конференциялар Лигасининг энг яхши ўйинчисини кўзламоқда

"Манчестер Юнайтед" "Кристал Пэлас" клуби ҳужумчиси Исмоил Саррга жиддий қизиқиш билдирмоқда, деб хабар бермоқда TEAMtalk нашри.

Манбага кўра, манкунианликлар 28 ёшли сенегаллик футболчининг вакиллари билан аллақачон боғланган ва унинг келажаги бўйича дастлабки маълумотларни олган. Клуб раҳбарияти Саррни ҳужум чизиғи учун мос номзод деб ҳисобламоқда. Сабаби — унинг универсаллиги: у марказий ҳужумчи сифатида ҳам, қанотларда ҳам ўйнай олади.

Ўтган мавсум Исмоил Сарр карьерасидаги энг муваффақиятли йил бўлди. У "Кристал Пэлас"га УЕФА Конференциялар Лигасида ғолиб чиқишга катта ҳисса қўшди — мусобақада тўққизта гол урди ва турнирнинг энг яхши ўйинчиси сифатида эътироф этилди. Жами ҳисобда Сарр барча мусобақаларда 20 та гол муаллифи бўлди. "Жаҳон чемпионати-2026"да эса тўртта гол уриб, бир голли узатма амалга оширди. Шу билан бирга, "Кристал Пэлас" ўз етакчисини сотиш учун жуда катта миқдорда тўлов талаб қилиши кутилмоқда.