"Манчестер Юнайтед" Магуайрга ўринбосар топди

"Манчестер Юнайтед" ҳимоячиси Гарри Магуайр мавсумни жуда ёмон бошлади, шунинг учун у мунтазам равишда танқидларга дуч келмоқда. "Қизил иблислар" раҳбарияти бу вазиятни тўғрилаш мақсадида марказий ҳимоячи қидиришга мажбур. "CalcioMercato" нашри хабарига кўра, инглиз клуби "Аякс" футболчиси Юррьен Тимберига қизиқиш билдирмоқда.

Айтиш жоизки, ёзги трансфер ойнасида “Манчестер Юнайтед” бирданига “Аякс”дан икки футболчи – Лисандро Мартинес ва Антони харидини амалга оширди. Катта эҳтимол билан “қизил иблислар” яна Амстердам клуби билан боғланишади.

Юррьен Тимбернинг трансфери МЮга бироз қимматга тушиши мумкин. Боиси, 21 ёшли ҳимоячи 45 миллион еврога баҳоланган. Аммо "Аякс" бу суммадан кўпроғини талаб қилиш эҳтимоли катта.