"Манчестер Юнайтед" Милинкович-Савич учун 75 млн евродан воз кечишга тайёр
"Манчестер Юнайтед" клуби ҳамон "Лацио" хавбеки Сергей Милинкович-Савични сотиб олиш фикридан қайтмаяпти.
La Repubblica нашри тарқатган хабарга кўра “қизил иблислар” 24 ёшли футболчи учун римликларга бонуслар билан бирга 75 млн евро тўлашга тайёр. Унинг ўзи ҳам МЮга ўтишга рози.
Таъкидлаш лозимки, Милинкович-Савичга шунингдек ПСЖ клубидан ҳам жиддий қизиқишлар мавжуд.
Эслатиб ўтамиз, "Лацио" президенти Клаудио Лотито бундан аввал бир неча бор Милинкович-Савич 150 миллион евродан камига сотилмаслигини айтиб ўтган эди.
Маълумот учун, Милинкович-Савич ўтган мавсум “Лацио” сафида жами 41та ўйинда майдонга тушди ва 7та гол ҳамда 3та голли узатмага муаллифлик қилишга эришди. Унинг римликлар билан амалдаги шартномаси эса 2023 йилга қадар имзоланган.
Фикрлар