“Манчестер Юнайтед” Моуриньога таклиф билан чиқди

“Манчестер Юнайтед” раҳбарияти асосий таркибга кира олмаётган ҳимоячи Аарон Ван-Биссака билан хайрлашишга қарор қилган.

Клуб мутасаддилари 25 ёшли футболчини ижарага жўнатмоқчи. Манчестерликлар Жозе Моуриньога Ааронни “Рома”га қабул қилишни сўраб, мурожаат қилган. Бу ҳақда Calciomercato нашри хабар берди.

Жозе Моуриньо бир неча йил муқаддам “Манчестер Юнайтед”ни бошқарган. Бироқ, ўша пайтлар Аарон Ван-Биссака Манчестерда йўқ эди.

Трансферларга ихтисослашган transfermarkt портали бу футболчини 18 миллион еврога баҳоламоқда.