"Манчестер Юнайтед" Погбага ўринбосар топиб қўйди

"Манчестер Юнайтед" клуби раҳбарияти жамоанинг франциялик ярим ҳимоячиси Поль Погбанинг ўрнига муносиб номзод қидиришни бошлаб юборди.

The Independent нашри тарқатган хабарга кўра манкуанликлар ушбу ўринга "Лацио" хавбеки Сергей Милинкович-Савичнинг номзодини илгари суришмоқда. Бироқ, бунинг учун аввал МЮ Погбани сотиб юбориши керак.

Эслатиб ўтамиз, Погбага “Барселона” ва “Ювентус” клубларидан жиддий қизиқишлар бўлмоқда.