“Манчестер Юнайтед” қарорини ўзгартирди

“Манчестер Юнайтед” анчадан бери Поль Погбани янги шартномага кўндира олмаганидан кейин унинг ўрнини боса оладиган футболчи қидиряпти.

Уле-Гуннар Сульшер унинг ўрнига таклиф қилмоқчи бўлган футболчилардан Эдуардо Камавинга “Ренн”дан “Реал”га, Сауль Ньигес “Атлетико”дан “Челси”га ўтиб кетди. Шу сабабли манчестерликлар бошқа футболчига эътибор қаратишга қарор қилди.

Маълумотларга қараганда, “Манчестер Юнайтед” мутасаддилари келаси ёзда “Лестер” ярим ҳимоячиси Юри Тилемансни трансфер қилишга уриниб кўради.

“Лестер” ўз етакчини янги шартномага кўндира олмаяпти ва уни яхшироқ нархда сотиб юборишга тайёр. Тилеманс “Манчестер Юнайтед”дан ташқари “Ливерпуль”, “Барселона” ва “Реал” нишонида ҳам турибди.