“Манчестер Юнайтед” Роналду ва бир қанча футболчиларни жазолайди

"Манчестер Юнайтед" "Райо Вальекано"га (1:1) қарши ўртоқлик ўйинида футболчиларининг майдонни эрта тарк этиши билан боғлиқ вазият бўйича ички текширув ўтказади, дея хабар беради журналист Жеймс Дакер.

Манкунианликлар клубининг бир қанча футболчилари, жумладан, ҳужумчи Криштиану Роналду учрашувнинг иккинчи ярмида финал ҳуштагини кутмасдан, “Олд Траффорд” стадионини тарк этган.

Манкунианликлар бош мураббийи Эрик тен Хаг 37 ёшли португалиялик ва унинг жамоадошларининг қилмишини қоралади.

Манбага кўра, клуб ўйинни тарк этган футболчиларга жарима белгиламоқчи.  Аммо айбдорларга қандай турдаги жазо берилиши матбуотга ошкор қилинмайди.