“Манчестер Юнайтед” Роналдудан воз кечишга қарор қилди

“Манчестер Юнайтед” мутасаддилари жамоанинг энг машҳур футболчиси Криштиану Роналду кетиш истагини билдирса унга қаршилик қилмайдиган бўлди.

Португалиялик  ҳужумчининг шартномаси 2023 йилгача тузилганига қарамай, у ёзда бошқа клубга ўтиши ҳақида маълумотлар кўп чиқяпти.

Ўтган йилнинг августида "Ювентус"ни тарк этиб, манчестерликлар сафига қўшилган тўпурар жорий мавсумда манчестерликлар учун 27 та учрашув ўтказиб, рақиблар дарвозасини 15 маротаба ишғол қилди ва учта ассистни амалга оширди.

Кейинги пайтда айрим мутахассислар “Манчестер Юнайтед” Роналдуни олгани жамоанинг ёш футболчиларининг ўсишига салбий таъсир қилаётганини таъкидлаб келмоқда.