“Манчестер Юнайтед” Роналдудан воз кечишга қарор қилди

“Манчестер Юнайтед” раҳбарияти клубга тинмай муаммо келтираётган Криштиану Роналду билан ўзаро ҳамкорликни узайтирмайдиган бўлди.

37 ёшли футболчининг манчестерликлар билан шартномаси мавсум охирида якунланади. Клуб хўжайинлари унга янги битим бермайди.

Роналду бу мавсум 12 та учрашувда қатнашиб, иккита тўп киритди.

Португалиялик юлдузнинг ўзи ҳам жамоадан тезроқ кетмоқчи. Мутахассисларнинг таъкидлашича, футболчи ва клуб ўртасидаги келишмовчиликлар шу тарзда давом этса, Роналду январдаёқ бошқа жамоага ўтиб кетиши мумкин.