"Манчестер Юнайтед" сафида янги дарвозабон тиббий кўрикдан ўтди

"Кристал Пэлас" дарвозабони Жек Батлэнд "Манчестер Юнайтед"га ўтишга яқин турибди. Бу ҳақда инсайдер Фабрицио Романо ўзининг ижтимоий тармоқлардаги саҳифасида маълум қилди.

Манбага кўра, томонлар тегишли музокаралар олиб борган ва барча тафсилотлари бўйича келишиб олган. 29 ёшли дарвозабон аллақачон “қизил иблислар” таркибида тиббий кўрикдан ўтган.

МЮ Батлэндни жорий мавсум охиригача ижарага олади. Аммо шартномада футболчининг трансферини тўлиқ сотиб олиш ҳақида ҳам банд бўлади.

Трансфермаркт портали дарвозабоннинг нархини 1,5 миллион еврога баҳоламоқда.