“Манчестер Юнайтед” сотилиши кутилмоқда

2005 йилдан бери “Манчестер Юнайтед”га эгалик қилиб келаётган Глейзерлар оиласи клубни сотиши мумкин.

Stretty News нашрининг хабар беришича, номи сир тутилаётган АҚШ компанияси Глейзерлар оиласида клубни сотиб олиш ҳаракатини бошлагани ҳақида хабар тарқатди.

Маълумотларда янги харидор Нью-Йоркнинг инвестицион фондларидан бири экани айтилмоқда.

Глейзерлар оиласи “Манчестер Юнайтед”ни 800 миллион фунтга сотиб олган эди. Клуб футбол оламида  кўзланган натижаларни қайд эта олмаяпти. Клуб фанатлари эса унга эгалик қилувчи оилани мунтазам танқид қилиб келмоқда.