"Манчестер Юнайтед" танқидларга учраган футболчининг ўрнига Италиядан вариант тайёрлаб қўйди

"Манчестер Юнайтед" ёзги трансфер ойнасида ҳимоя чизиғини кучайтирмоқчи.

Calciomercato нашри хабарига кўра, "қизил иблислар" Италиянинг "Милан" клуби марказий ҳимоячи Алессио Романьолини ўз сафига қўшиб олишни истамоқда. 27 ёшли футболчи инглиз клуби сафига эркин агент мақомида келиб қўшилиши мумин. Сабаби, футболчининг миланликлар билан амалдаги шартномаси жорий мавсум охирида якунига етади.

Манбада айтилишича, Алессио "Манчестер Юнайтед" сафида Гарри Магуайрга ўринбосар бўлиши кутилмоқда. Чунки Англия терма жамоаси аъзоси жорий мавсум МЮ мухлислари ва мутахассислар томонидан жиддий танқидларга учрамоқда.

Романьоли "Милан" клуби сардори ҳисобланади. У Италия клуби шарафини 2015 йилдан бери ҳимоя қилиб келади. Алессио жорий мавсум "россонерилар" сафида 18 та учрашувда майдонга тушиб, битта гол муаллифига айланган.