“Манчестер Юнайтед” тўхтамайди!

“Манчестер Юнайтед” бош мураббийи Эрик тен Хаг клуб раҳбарияти янги ўйинчиларни олишда давом эттиришидан умидвор эканини маълум қилди.

Ҳозирча, манчестерликларнинг трансфер бозоридаги фаолияти кутилганидек бўлмаяпти. Клуб ўз сафига Тирелл Маласиа, Кристиан Эриксен ва Лисандро Мартинесни қўшиб олди. Бош мураббий бу трансферлар камлик қилишини таъкидламоқда.

- Биз ярим ҳимоячга Эриксенни олдик. Хурсандмиз. Ҳозир майдон маркази ва ҳужум чизиғидан кўнглим тўқ.

Мавсумда муҳим ўйинлар кўп. Жаҳон чемпионати бор. Яхши жамоалар кўпроқ ўйинчиларга муҳтож бўлади.

Таркибни янада кучайтиришим керак. Энг муҳими, ижрочиларни тўғри танлаш. Бу трансферлар муваффақиятга эришишимизда муҳим омил ҳисобланади, - деди Эрик тен Хаг.