"Манчестер Юнайтед" уругвайлик футболчисини ватанига қайтариб юборди

“Манчестер Юнайтед” клуби ҳимоячиси Гильермо Варела Уругвайнинг “Пеньяроль” клубига кўчиб ўтди.

Таъкидлаш керакки, 24 ёшли уругвайлик футболчи “қизил иблислар” сафига 2013 йил келиб қўшилган эди. Бироқ, кўп ўтмай у “Реал”нинг иккинчи жамоасига, сўнгра эса франкфуртнинг “Айнтрахт” клубига ижарага бериб юборилди.

Маълумот учун, Варела ўзининг профессионал футболчилик фаолиятини айнан “Пеньяроль” клубида бошлаган.