“Манчестер Юнайтед”дан кетсанг, ўзингга ҳам бизга ҳам фойда!

“Манчестер Юнайтед”да ишга киришиш олдидан Эрик тен Хаг ҳар бир футболчининг имкониятларини ўрганиб чиқмоқда.

Нидерландиялик мутахассис бу мавсум катта муаммоларга дуч келган Маркус Рэшфорднинг “Манчестер Юнайтед”дан кетиши ўйинчининг ўзи ҳам, клубга ҳам фойдали бўлади, деган қарорга келди.

The Telegraph нашрининг маълум қилишича, Эрик тен Хаг Рэшфорднинг аҳволини таҳлил қилиб чиққанидан кейин шу фикрга келган.

Шунингдек, янги бош мураббий жамоани вақтинча бошқариб турган Ральф Рангникнинг “Юнайтед”га яхши савиядаги иккита ҳужумчи кераклиги тўғрисидаги фикри қўллаб-қувватлашини билдирди.

Шунга қарамай, тен Хаг Англияга борганидан 24 ёшли ҳужумчи билан унинг келажаги ҳақида гаплашиб олишни режалаштирмоқда.