“Манчестер Юнайтед”га Роналдуга ўхшамаган ҳужумчи керак

The Times нашри “Манчестер Юнайтед” яна бир ҳужумчи қидираётгани ва олинадиган ўйинчининг ўйин услуби жамоа форвардлари Маркус Рэшфорд, Криштиану Роналду ва  Антони Марсьялдан фарқ қилиши кераклигини ёзмоқда.

Маълумотларга қараганда, бу позицияга ясосий номзодлар бири сифатида “Штутгарт” ҳужумчиси Саша Калайжич танланган. Австриялик футболчи “Адмира” клуби тарбияланувчиси ҳисобланади. 2019 йилдан бери “Штутгарт” сафида тўп тепмоқда.

Калайжичнинг бўйича икки метрни ташкил қилади ва табиийки, ўйин услуби ҳам бўйи баланд футболчиларга хос.

25 ёшли ҳужумчи фаолияти давомида клублар миқёсида жами 93 та учрашув ўтказиб, 36 та гол ва 22 та ассист муаллифи бўлган.