“Манчестер Юнайтед”га супердарвозабон келади

Сульшер “Манчестер Юнайтед” дарвозабонлари рўйхатида ўзгариш қилмоқчи. Давид де Хеа ва Дин Хендерсоннинг ўзаро рақобати жамоанинг ички муҳитига салбий таъсир қилаётганини таъкидлаган норвегиялик мураббий улардан бирини сотиб, захирага бошқа дарвозабон олиб келишини билдирганди.

Бироқ, вазият ўзгарди. Давид де Хеа ва Дин Хендерсонга кўп жамоалар харидор бўлмоқда. “Манчестер Юнайтед” эса “Милан”ни тарк этишга яқин турган Жанлуижи Доннарумма билан келишувга эришди. Италия терма жамоаси посбони Манчестерга келадиган бўлса, биринчи рақам эгаси бўлади ва у захирада ўтирадиган футболчи эмас.

Манчестер Доннарумма учун курашда “Бавария” ва ПСЖни ортда қолдиргани айтилмоқда. 22 ёшли посбоннин трансфер суммаси 60 миллион еврога баҳоланган.