“Манчестер Юнайтед”ни бошқаришга кутилмаган номзод пайдо бўлди

“Манчестер Юнайтед” афсонаси Рой Кин жамоани бошқариш учун “Атлетико” устози Диего Симеонени олиб келишни маслаҳат бермоқда.

Манчестерликлар 2013 йилда сэр Алекс Фергюсон жамоани топширганидан кейин уни барқарор бошқарадиган мутахассис топа олмаяпти. Ҳозирги мурабби Ральф Рангник мавсум охирига қадар бош мураббий вазифасини бажаради. Ёзда таклиф этиладиганлар рўйхатида Маурисио Почеттино ва Эрик Тен Хаг етакчилик қилмоқда.

- “Юнайтед”га ким тўғри келади? Симеоне, чунки унинг характери тўғри ва кучли. Ҳозир унинг “Атлетико”даги фаолияти охирига етадиган бўлиб турибди. Уни чақиринглар.

Симеоне – буюк шахс. У катта ютуқларга эришган. У ўйинчилар билан ҳисоблашиб ўтирмайди. У каби мураббийни олиб келиш ишларни силжишига сабаб бўлади.

“Юнайтед” яхши жамоа, лекин унга мос мураббий топиш керак. Агар муносиб мураббий бўлмаса, қолган ҳаракатлар  барбод бўлаверади, - деди Рой Кин.