"Манчестер Юнайтед"нинг мақсади аниқ

"Манчестер Юнайтед" бош мураббийи Эрик тен Хаг Европа лигасида мавсум бошланиши олдидан ўз фикрлари билан ўртоқлашди. Эртага "қизил иблислар" "Реал Сосьедад" билан тўқнаш келади.

"Мақсадимиз жуда аниқ - ҳар бир ўйинда, ҳар бир турнирда ғалаба қозониш. Биз Европа лигасига жиддий тайёргарлик кўрамиз.

Бизда ажойиб таркиб бор ва шу боис, ғалаба қозонишимиз кераклигини яхши биламиз. Бу "Манчестер Юнайтед"нинг менталитети”, - дея Тен Хагнинг сўзларини келтирди клуб матбуот хизмати.

Эслатиб ўтамиз, МЮ – “Реал Сосьедад” учрашуви эртага Тошкент вақти билан 00:00да бошланади.