"Манчестер Юнайтед"нинг нигоҳи жаҳон чемпионига тушди!

"Манчестер Юнайтед" раҳбарияти жамоа таркибини кучайтириш имкониятлари устида ишламоқда.

Todofichajes нашри хабарига кўра, "Бетис" ярим ҳимоячиси Гидо Родригес "қизил иблислар"нинг эътиборига тушган. Испания клуби эса 28 ёшли аргентиналик футболчини 30-35 миллион еврога сотишга тайёр.

Айтиш жоизки, Гидо Родригес декабрь ойида Аргентина терма жамоаси таркибида жаҳон чемпионига айланганди. У Қатарда бўлиб ўтган мундиалда фақат битта ўйинда - гуруҳ босқичида Мексикага қарши ўйинда 57 дақиқа майдонда ҳаракат қилган.

Маълумот учун, Гвидо Родригес “Бетис” сафида жами 130 та ўйин ўтказиб, 6 та гол урган ва 3 та голга ассистентлик қилган.