Манчестердан кетишга тайёрман!

“Манчестер Юнайтед”нинг чап қанот ҳимоячиси Люк Шоу ҳам жамоани тарк этишга тайёрланмоқда. Бу ҳақда  The Sun нашри хабар тарқатди.

Манбага кўра, 30 ёшли футболчи ўзига Саудия Арабистонидан жиддий чорлов бўлаётганидан хабари бор ва бу таклифни муҳокама қилишга розилик берди.

Шоу кейинги йилларда саломатлигидаги муаммолар туфайли юқори даражада ўйнай олмаяпти. Жумладан, ўтган мавсумда ҳам ҳимоячи атиги 12 марта майдонга тушди холос.

“Манчестер Сити” бош мураббий Рубен Аморим Шоунинг кўп жароҳат олаётганидан келиб чиқиб, январда жамоага Патрик Доргуни таклиф қилди. Яқинда манчестерликлар чап қанот ҳимоясига Диего Леонни қўшиб олди.   

Люк Шоунинг трансфери ёз ичи амалга ошмаса, январга қолдирилиши мумкин. Тажрибали ҳимоячи мавсум бошидаги ўйинларда ўзини синаб кўрмоқчи. Манчестерликлар бу ўйинчига ҳафтасига 150 минг фунт миқдорида маош тўлаб келяпти ва ундан имкон қадар тезроқ қутилмоқчи.