Манчестерликлар Бундеслига кашфиётини нишонга олди

“Манчестер Юнайтед” таркибини кучайтириш мақсадида Германия  Бундеслигасида ўйини очилиб бораётган ҳужумчи Уго Экитикени трансфер қилишни истаяпти.

Франциялик ёш форвард ҳозирда «Айнтрахт» клубида ижарада ўйнамоқда ва бу мавсумдаги аъло натижаларини инобатга олиб, манчестерликлар унга жиддий қизиқиш билдира бошлади.

22 ёшли Экитике асли ПСЖ ўйинчиси ҳисобланади. Франция чемпионлари сафида иши юришмаганидан кейин 2024 йилнинг февралида “Айнтрахт”га ижарага ўтган эди. Немис клуби ёзда унинг трансфер ҳуқуқини 16,5 миллион еврога сотиб олди.

Жорий мавсумда франциялик форвард барча турнирларда 38 ўйинда 19 гол урди ва 8 ассистни амадга оширди. Бу натижаси орқали Европанинг бир қатор катта клублар диққатини ўзига қаратди.

“Манчестер Юнайтед” катта умидлар билан харид қилган Расмус Хёйлунн ва Жошуа Зиркзее трансферлари муваффақиятли чиқмади. Шу боис, манчестерликлар ҳужум чизиғига кўп гол ура оладиган марказий ҳужумчи олиб келмоқчи.

Клуб нишонида Уго Экитикедан ташқари Беньямин Шешко, Виктор Дьёкереш ва Виктор Осимхен ҳам бор. Бироқ бу трансферларни амалга ошириш анча қийин ва қиммат ҳисобланади.