Манчестерликлар мундиалда ўйнаган футболчидан воз кечишга қарор қилди

Аргентина терма жамоаси билан 2026 йилги жаҳон чемпионатида еттита учрашувда иштирок этган марказий ҳимоячи Лисандро Мартинеснинг “Манчестер Юнайтед”даги келажаги ҳозирча ноаниқлигича қолмоқда.

Журналист Энди Миттеннинг маълум қилишича, агар манфаатли таклиф тушса, манчестерликлар тажрибали ҳимоячини сотиш имкониятини кўриб чиқади.

Клуб футболчининг ўйинидан мамнун, аммо унинг тез-тез жароҳат олиши сабабли узоқ муддатли истиқболларига ишончи тўлиқ эмас.

Лисандро Мартинеснинг амалдаги шартномаси яна бир йил амал қилади. Катта эҳтимол билан, 28 ёшли футболчи янги шартнома бўйича музокараларда маошини оширишни талаб қилади.

Ўтган мавсумда у 19 та учрашувда қатнашди ва самарали ҳаракатлар қайд этмади.