Манчестерликлар янги ҳимоячи танлади
Бу ўйинчи АПЛга мослашган
«Манчестер Юнайтед» клуби «Кристал Пэлас»нинг чап қанот ҳимоячиси Тайрик Митчеллни ўз сафига қўшишни мақсад қилмоқда.
Football Insider хабар беришича, 27 ёшли футболчининг «Кристал Пэлас» билан шартномаси мавсум охирида якунланади. Шу сабабли у Англия Премьер-лигасининг бир қатор топ-клублари қизиқиш доирасига тушган.
Манбага кўра, «Кристал Пэлас» ҳимоячини жамоада олиб қолиш учун барча имкониятларни ишга солмоқда. «Манчестер Юнайтед» эса Митчеллнинг Англия Премьер-лигасидаги катта тажрибасини юқори баҳолайди.
Ёзда чап қанот ҳимоячиси позициясини кучайтира олмаган «Манчестер Юнайтед» учун ушбу позиция яна устувор йўналишга айланиши кутилмоқда.
Клуб Англия Премьер-лигасидаги ўйин услубига мослашиш учун кўп вақт талаб қилмайдиган ҳимоячини қўлга киритишни истамоқда. Манбага кўра, Митчелл бу талабга мос келади.
Футболчига «Ливерпуль» ва «Челси» ҳам қизиқиш билдирмоқда.
Изоҳлар (0)