Манчини Италиядан учралган шармандали мағлубиятга қандай изоҳ берди?

Аргентина ва Италия терма жамоалари ўртасидаги "Финалиссима"да "Копа Америка" ғолиблари 3:0 ҳисобида зафар қучди.

Беллашувдан сўнг италияликлар бош мураббийи Роберто Манчини матбуот анжуманида иштирок этиб, қуйидаги фикрларни билдирди: "Дастлабки икки гол ўзимизнинг хатоларимиз туфайли юзага келди. Аргентина тўп билан бизга қараганда яхшироқ муомала қилди.

Имкониятларимиз ҳам у қадар кўп бўлмади. Гол уриш учун кўпроқ ҳаракат қилишимиз лозим. Ҳатто, ўйинга интригани қайтариш учун ҳам етарлича курашмадик. 

Аргентинани соврин билан табриклайман. Уларда муваффақият учун ажойиб жамоа бор".