Mario Kempes: Agar Messi "JCh-2026"ga borishni istasa, PSJda qolgani ma’qul

Argentinalik sobiq futbolchining fikricha, Leo Messi Shimoliy Amerikada bo‘lib o‘tadigan mundialgacha Parij klubida qolishi kerakligi haqida gapirdi.

"Agar u keyingi Jahon chempionatida ham qatnashishni istasa, Frantsiyada qolgani yaxshi. U erda ko‘proq dam olish mumkin. Biroq Leo Chempionlar ligasida buning uchun ma’lum darajada tovon to‘laydi.

Agar u PSJda qolsa, uch yildan so‘ng bo‘lib o‘tadigan Jahon chempionatiga mukammal darajada tayyor bo‘ladi. Bundan tashqari, hammasi Messining sport formasiga qarab oydinlashib boraveradi”, - dedi Argentina terma jamoasining sobiq hujumchisi "TyC Sports" nashriga bergan intervyusida.

Ma’lumot o‘rnida, 2026 yilgi futbol bo‘yicha Jahon chempionati AQSh, Meksika hamda Kanada maydonlarida bo‘lib o‘tadi.