Марио Кемпес: Агар Месси "ЖЧ-2026"га боришни истаса, ПСЖда қолгани маъқул

Аргентиналик собиқ футболчининг фикрича, Лео Месси Шимолий Америкада бўлиб ўтадиган мундиалгача Париж клубида қолиши кераклиги ҳақида гапирди.

"Агар у кейинги Жаҳон чемпионатида ҳам қатнашишни истаса, Францияда қолгани яхши. У ерда кўпроқ дам олиш мумкин. Бироқ Лео Чемпионлар лигасида бунинг учун маълум даражада товон тўлайди.

Агар у ПСЖда қолса, уч йилдан сўнг бўлиб ўтадиган Жаҳон чемпионатига мукаммал даражада тайёр бўлади. Бундан ташқари, ҳаммаси Мессининг спорт формасига қараб ойдинлашиб бораверади”, - деди Аргентина терма жамоасининг собиқ ҳужумчиси "TyC Sports" нашрига берган интервьюсида.

Маълумот ўрнида, 2026 йилги футбол бўйича Жаҳон чемпионати АҚШ, Мексика ҳамда Канада майдонларида бўлиб ўтади.