Марокаш қаҳрамонини супер клубда кутишмоқда

Трансфер ҳуқуқи Испаниянинг “Севилья” клубига тегишли бўлган марокашлик дарвозабон Ясин Буну фаолиятини Англия премьер-лигасида давом эттириши мумкин.

Tuttomercatoweb нашри хабарига кўра, Қатардаги мундиалда ажойиб ўйин кўрсатган посбонга "Манчестер Юнайтед" жиддий қизиқиш билдирмоқда.

“Қизил иблислар” Бунуни мавсум якунида шартномаси якунига етадиган испаниялик дарвозабон Давид де Хеага муносиб ўринбосар сифатида кўрмоқда. “Бавария” эса бу борада манкунианликларнинг асосий рақобатчиси ҳисобланади.

Маълумот учун, 31 ёшли дарвозабоннинг андалусияликлар билан тузган меҳнат шартномаси 2025 йилнинг ёзига қадар имзоланган. Трансфермаркт портали эса унинг нархини 15 миллион еврога баҳоламоқда.